Opeepl niuerfimmi misissuinernut paasissutissanik katersisarpoq nammineq atugassaminik imlt. sullitatik sinnerlugit. Taamaaliorumalluta inuit pillugit paasissutissanik katersisariaqarpugut. Inuit pillugit paasissutissat ilaatigut nammineerluta tigusarpagut, ilaatigullu ilinnut saaffiginninnikkut.

Ataani inuit pillugit paasissutissat suut katersortarnerlugit nassuiassavarput, aammalu sooq taamaaliortarnerluta.

Atuisut Profiliannit Paasissutissat

Quppernerit allat ataasiarlutit immikkut akissarsisitsiniartut assigisaalluunniit aqqutigalugit uatsinnut ingerlateqqinneqaruit immikkoortoq una ilinnut atuutinngilaq.

Aaqqissuussanut akissarsiaqartitsisunut allatigulluunniit eqeersaataasunut Opeepl-imit suleqatigisamilluunniit pingajuusumit pisunut peqataaniaraanni nalunaarsornissaq piumasaqaataasarpoq.

Uatsinni atuisunngorumallutit ilisaritillutit immersuiguit paasissutissat uku tunuliaqutissatut tunniutissavatit:

• Inuuik
• Suiaassuseq
• Nuna najugaqarfigisaq
• Postnormu

Misissuinermi periarfissanik paasitikkumallutit aamma attaveqarnissamut periarfissaqartariaqarpugut, tassunga periarfissat ukuupput:

• Mobilnormut atorlugu sms-ikkut misissuinerit pillugit paasitinneqartarlutit
• Inoqatinut attaveqaatit mobilnormuluunniit atorlugit app-itsinni isissutissamik pilersitsinikkut

Qulaaniittut tamarmik pinngitsooratik tunniunneqartussaapput, taakku najoqqutaralugit misissuinernut naleqquttunut toqqarlutillu attavigisassavatsigit.

Inoqatinut attaveqaatit atorlugit isissutissamik pilersitsiguit tassani atuisuuninnut ilisarnaatit kiisalu isissutissatut uppernarsaat kinaaninnik uppernarsaasussaq kisiisa pissarsiarisassavagut.

Attaviginissannut paasissutissat ilaanni aamma atorsinnaassavagut paasissutissanik pingaarutilinnik pisariaqartunilluunniit nassikkumallutit, kisianni pilerisaarinermut atornavianngilagut.

Tassunga ilanngullugu attaveqatigiinnissarput ajornaanneruleqqullugu paasissutissat uku tunniussinnaassavatit:

• Ateq
• Email-adresse (Akissarsiassat ilaasa tigunissaannut piumasaqaataasinnaavoq)

Akissutit misissuinermut atatillugu tunniunneqartut

Misissuinerni akissuteqaraangavit aamma illit pillutit paasissutissanik allanik tunniussisarsinnaavutit. Misissuinernut akissuteqarneq nammineq kajumissutsikkut piuaannarpoq, akerusunngisannillu apeqquteqassagutta aalajangersinnaavutit misissuinermut tassunga akissuteqarnerit unitsikkumallugu.

Paasissutissat Nammineerlutik Katersorneqartut Pilerisaarinerlu

Paasissutissat uku nammineerlutik katersorneqaratarsinnaapput, kiffartuussutit sorliit atorneritit apeqqutaavoq:

• Browserip atuisua
• Atuisup profilia misissuinermullu akissutigisimasaq imminnut attaveqarallarsinnaapput.
• IP adresserisat

App-i atorukku mobilippit tabletippilluunniit pilerisaarutinut ilisarnaataa (IDFA/AAID) aamma nalunaarsortarparput, ilaatigut pingajuusumut ingerlateqqinneqartarpoq akissarsianik nalunaarsuinermi. Ilisarnaat taanna allanut atorneqarneq ajorpoq.

Qaqutigut browserip atortorissaarutilluunniit suussusaa niuerfinni misissuinerit inerneranni ilanngunneqartarpoq. Paasissutissat allat nammineerlutik katersorneqartartut taamaallaat isumannaallisaanermut, pitsaassutsimik paasiniaanermut peqquserlunnianullu alaatsinaannermut atorneqartarput.

Cookies aamma Tracking

Cookies aamma Tracking pillugu periuserput atuaruk.

Misissuinermut Periarfissat

Misissuinerit ilinnut naleqquttut kisiisa saaffiginnissutigisassavagut. Illit pillutit paasissutissat aallaavigalugit tamanna aalajangerneqartassaaq.

Misissuinermi Akissutit

Misissuinermi peqataaguit tunuliaqutat pillugu paasissutissat immikkoortunut siammasinnerusunut ilanngunneqartassapput, soorlu nunap immikkoortuanut ukioqqortussutsimullu, kinaassutsit isertuukkumallugu taamaaliortarpugut. Attaviginissannut paasissutissat uatsinnut sullitatsinnulluunniit ersinnavianngillat.

Akissutigisimasatit paasissutissanik ilinnut tunngasunik imaqarpata taakku sukkulluunniit allanngortinneqarnatik uatsinnut sullitatsinnullu ersissapput.

Misissuinermi akissutinik katersinitsinni illit atuisutut profilit misissuinermullu akissutigisimasaq imminnut attaveqarallassapput. Attavik taanna pitsaassutsimik paasiniaanermut peqquserlunnianullu alaatsinaannermut atorneqartarput. Opeepl-ip kisimi attavik taanna atorsinnaassavaa.

Attaviugallartoq pineqartoq pitsaassutsimik paasiniaaneq pereerpat atorunnaarsinneqassaaq, tamannalu pissaaq misissuinerup kingorna kingusinnerpaamik qaammat ataaseq qaangiuppat.

Paasissutissanik passusseriaaseq uani nassuiarneqartoq najoqqutaralugu taamaallaat pingajuusunut ingerlatitseqqiisassaagut.

Paasissutissat atuisunit tunniunneqarsimasut kiisalu nammineerlutik katersorneqartut saqqummiussinnaavagut:

• paasissutissat kattullugit pineqartullu kinaassusaat ilisarnarunnaarsillugit kisitsisitigut paasissutissutissanik nalunaarusiornermi, Opeepl-ip sullitaanut taakkualu saaffigisaannut takutitassanngorlugit.
• inatsisini piumasaqaatit malillugit, eqqartuussivitsigut suliassanngortitsinermi assigisaanilu piumasarineqartut naapertorlugit.
• pisinnaatitaaffigut illersorniarlugit peqqarniisaarnialluunniit misissorumallugit paasissutissanik tunniussinissaq pisariaqarsorigutsigu.
• sullissisutsinnut sinnerluta suliaqartunut datanillu passusseriaatsimik isumaqatigiissusiamik akuersisimasunut. Taakkununnga assersuutigalugu ilaapput IT-mik softwaremik assigisaanilluunniit pilersuisut.
• Opeepl ApS suliffeqarfiit kattunneranni, pisiarineqarnermi tunineqarnermiluunniit arlaatigut ilaappat piginnittut nikinnerannik, aammalu paasissutissanik tamakkuninnga atuinerit nikinnerinik, ilinnullu qinigassarititaasunik paasitinneqassaatit.
• misissuinermi akissuteqartartussanik pilersuisorisarput pingajuusoq aqqutigalugu illit ilanngussimaguit pilersuisutsinnut saqqummiussinnaavagut.

Paasissutissat Atuisunit tunniunneqarsimasut sullissivitsinni atuisuunerit tamaat tigummissavagut, atorunnaarnerisalu kingorna sivisujaamik pigigallassallugit. Paasissutissat Nammineerlutik katersorneqarsimasut ukiup ataatsip tungaanut tigummissavagut.

Siunissami sullissivitsinnit paasissutissanik katersisoqarnissaa unitsissinnaavat uatsinni profilerisat peerlugu atorunnaarallarluguluunniit.

Profilinni paasissutissaatitit pisariaqavinngitsut aamma peersinnaavatit, taamaasillutillu siunissami paasissutissat taakku atorneqarnissaat taamaatissinnaallugu.

Inuit pillugit paasissutissat misissuinermi akissutigineqartuni ilanngunneqarsimasut peerneqarsinnaanngillat akissutit tamarmik kinaassutsimik isertuussanngortitaasarmata, illillu kinaassutsinnut attavilerneqarsinnaanatik, kisitsisitigullu paasissutissani atorneqarlutik.

Paasissutissatit nutarsarniarukkit, profilit atorunnaarsikkallarniarukku imlt. peerniarukku ugguuna attavigisinnaavatsigut: panel@opeepl.com.

Aamma mobilimut app-erput aqqutigalugu paasissutissatit nutarsarsinnaavatit, profililluunniit atorunnaarsikkallarlugu peerluguluunniit.

Meeqqanit pillaatissinneqarsinnaanerminut ukiorititaasunit nukarliusunut piaaraluta misissuilluta saaffiginninneq ajorpugut pilerisaarisarnatalu. Meeraq angajoqqaani akisussaasorluunniit akuersiteqqaarnagu uatsinnut paasissutissanik tunniussisimasoq paasineqarpat angajoqqaajusoq akisussaasorluunniit uatsinnut attaveqaqquneqarpoq. Paasissutissat taakku, pisinnaagutta, ullut 30-t iluanni nalunaarsorsimaffitsinnit piissavagut.

Isumannaallisaanikkut ajutoornermik pisoqassagaluarpat Danmarkimi nakkutilliisutut oqartussaasut, Datatilsynet, nal. ak. 72-it iluanni nalunaarfigissavagut.

Ajutoorneq pisinnaatitaaffivit kiffaanngissutsivilluunniit annertuumik innarlerneqarsinnaaneranik navianartorsiortitsissappat piaarnerpaamik nalunaarfigissavatsigit.

Paasissutissanik Passusseriaatsitsinni allannguuteqassagutta attaveqaatit naleqquttut aqqutigalugit nalunaarfigissavatsigit. Ilaatigut imaassinnaavoq akuerseqqinnissat pisariaqartikkipput, taamaattoqassappat attavigalutit apeqqutigissavarput.

Apeqqutissaqaruit ugguuna attavigigitigut panel@opeepl.com unaluunniit alakkarlugu https://opeepl.com.